خذني بحضنك ابغفي اه مبطي ما غفيت

امس كنت ابيك تكبر بس والله لو دريت

انك اللي عشت لجله مت عندك وسترحت

لو دريت ان الزمان يجر رجليني ما عديت

لو دريت ان البحور ابلا مواني ما سبحت

كان دربك لي طويل وكل ما شفتك هويت

قلتلك كبوت حصان وما كبيت الا وجمحت

ليه تسمعني وتمشي اه ليتك ما مشيت

واه ليتك من كثر عذاريب الايام انتصحت

ضاعت احلامي وطال الحزن فيني وهتديت

لطريق اللي يوديني الي دمعي ورحت

يا الحزن ليتك مثل دمعي تنزل لا رقيت

بس اعرفك لو مسحت الدمع تبقى ما امسحت

كان حلمي في وجود انسان يبكي لا بكيت

وصار حلمي في وجود انسان يفرح لا فرحت

كنت اشوف الناس مثلك كل ما جعت وضميت

ما دريت ان الاوادم ناس فوق وناس تحت

اه يول ذكرياتي خذني بحضنك نسيت

لسئلك عن وجه ابوي الي معه يا ما سرحت

خذني بحضنك ابغفي اه مبطي ما غفيت

ون لمحت ادموع عيني سو نفسك ما لمحت

خذني بحضنك وبعثر جروحي ون قضيت

هزلي كتف وقلي عيب تبكي لو سمحت

اضحك وعلم زماني من انا ومن وين جيت

وطق باب الحزن وصرخ فيني لا مني فتحت

ضمني يمك وكمل ضحكتي لا مني بكيت

ودي اذكر كيف كانت ضحكتي لا مني فرحت


الشاعر فهد المساعد

منقووووول